Je chante ung chant

An Archive of Late-Medieval French Lyrics

Other views:

TEI Header Information

Tout houme prent
Text: ballade Music: ballade

aka: CMM 21, 7

Anon.
set to music by: Anon.

Witnesses:

Tu9 f. 100v


Remarks:

None available.

Text based upon Tu9

Tout houme prent en son ceur grant plaisir a
quant chose peut qui li face sentir a
un grant profit vrayement conquester; b
c’est bien raison, et ne doit ja dormir a
de la toustemps soigneusement querir, a
puis qu’elle soit chose digne a louer. b
si m’est advis que sur tout desirer b
doit on vertu, nuit et jour sans sejour, c
et doit savoir que vertu, sans fausser, b
n’a celuy qui n’a cherité ne amour. c
Car par vertu maints houmes parvenir a
voi a grans biens, honnourer et chierir, a
et en un point tres haultement monter, b
de petis grans prestemens devenir, a
riches tresors vrayement aquerir a
telz qu’on ne peut jamais tollir n’embler. b
doulce chose est, bien la doit pourchasser b
tout houme qui vivre veut sans folour, c
et doit savoir que vertu, sans fausser, b
n’a celuy qui n’a cherité ne amour. c
Bien y doit on mettre tout son desir, a
et non laissier, pour chose qu’avenir a
puisse, d’un si tres grant bien recouvrer, b
puis que de vrai on voit a bien venir, a
les vertueus, et sur tous venerir a
par leur vertu, qu’on doit tresfort priser. b
plaisant chose est, on la doit bien amer, b
puis que d’elle vient trestoute doulchour, c
et doit savoir que vertu, sans fausser, b
n’a celuy qui n’a cherité ne amour. c
© 2007-2012 University of Exeter - Centre for Medieval Studies