Witnesses:

Remarks:

None available.

Text based upon Tu9

Je vous suppli, tres dousse rose,	a
pleinne de toute humilité,	b
ou tout bien maint et se repose,	a
qu’avoir veulliés de moi pi,	b	ms pi ( em.)
puis qu’est en vostre liberté	b
de moi delivrer et garir	c
de tout mal et tout desplaisir.	c


Vostre bonté est celle chose	a
et vostre liberalité,	b
qui par baudour me fait que j’ose	a
requere a vostre magesté,	b
ou maint toute vraie bonté,	b
que oster me veuillés sans fallir	c
de tout mal et tout desplaisir.	c


Maint en ay, pour quoi je supose	a
que puis estre bientost maté,	b
se vostre grace ne m’arose,	a
qui de deuil maint ha delivré.	b
si vous suppli, fleur d’onnesté,	b
que eschaper puisse et loins fuir	c
de tout mal et tout desplaisir.	c