Witnesses:

Remarks:

None available.

Text based upon Tu9

	Pour le desir qu’ai de bien faire	a
	ai volu sagement querir	b
	se Esperance me puist retraire	a
	de trestout mal, ou foi garir.	b
	s’ai trouvé, sertes, sans mentir,	b
	que avoir ne puis de biens plenté,	c
	s’en sur tout fait n’ay charité.	c


	Pour quoi de fin ceur me veuil traire	a
	vers elle toustans sans faillir,	b
	ad ce que je puisse complaire	a
	a Raison, qu’on doit moult chierir,	b
	se veuil vraiement proferir	b
	que ne me sens reconforté	c
	s’en sur tout fait n’ay charité.	c


	Car sans elle nul bon repaire	a
	trouver ne puis, n’aucun plaisir,	b
	puis que celle est qui bien repaire	a
	ses bons amis sans demerir;	b
	pour quoy je di sans repentir,	b
	qu’en bien ne puis estre arivé	c
	s’en sur tout fait n’ay charité.	c