Witnesses:

Remarks:

None available.

Text based upon Tu9

	Ceur qui languist se doit moult conforter	a
	ad ce qu’il puist oublyer sa doulour,	b
	car par langour peut bien tost devier,	a
	et s’il devie, certes c’est grant errour;	b
	pour quoy je di que confort sans sejour	b
	li soit donné, car il seroit folie	c
	laissier morir nul de merancolie.	c


	Car quant on meurt a tort par le dangier,	a
	par la durté d’aulcuns ou par leur tour,	b
	c’est moult grant tort qui bien y veult penser,	a
	et se devroit certes par grant doulchour	b
	remedyer de tres parfaite amour;	b
	car mal seroit et grande vilenie	c
	laissier morir nul de merancolie.	c


	Et m’est advis qu’on doit doulcheur donner	a
	aux ceus malades qui languissent en plour,	b
	mattés, malades, dolans, destinés en amer,	a
	en fiel moult sur et de malle savour,	b
	par un confort pourtrait d’humble coulour,	b
	puis que seroit part de tres grande envie	c
	laissier morir nul de merancolie.	c