Witnesses:

Remarks:

None available.

Text based upon Tu9

	Je ne quid pas que cil ait faint corage	a
	qui n’est d’amours espris sans vilonnie,	b
	n’aussi ne croi qu’il soit ne bon ne sage,	a
	quant usé n’a si bonne compagnie	b
	come est d’amant leal envers s’amie,	b
	car on peut bien dire a tous sans oultrage	a
	qu’en amer ha tres parmanable vie.	b


	J’entens amours celle qui riens n’outrage,	a
	qui fondée est sur toute courtesie,	b
	non pas celle quant l’amant l’iretage	a
	de sa dame veult tolir par envie,	b
	car vrayement c’est moult grant felonnie.	b
	s’en loe amours, disant tout mon eage	a
	qu’en amer ha tres parmanable vie.	b


	Dont amer doit qui ne veult en servaige	!
	vivre tousdis et par merancolie,	b
	puis que la sont tout vertueus usage,	a
	honneur et pris, noblesse trespolie,	b
	et leaulté qui trestous biens ralie;	b
	pourquoi on voit, sans en avoir damage,	a
	qu’en amer ha tres parmanable vie.	b