Witnesses:

Remarks:

None available.

Text based upon Tu9

Pymalion qui moult subtilz estoit	a
d’entaillier bien, par tres doulce maistrie,	b
l’image fist telle comme il vouloit,	a
puis fu d’amours souspris, qui tous ceurs lie:	b
si desira d’avoir en sa baillie	b
l’ymage vive ou son ceur mis avoit avoit,	aa	ms avoit avoit ( em.)
dont en la fin ot la grace ottroÿe,	b
pour le desir ou quel parseveroit.	a


Pour ce m’est vis que l’amant vrai ne doit	a
fors que penser de mener bonne vie,	b
et de servir sa dame ou qu’elle soit,	a
de tres fin ceur en faisant chiere lie.	b
car bon espoir, qui tous biens moulteplie,	b
en tous bons fais a puissance et grant droit,	a
quant ot par lui Pymalion s’amie,	b
pour le desir ou quel perseveroit.	a


Perseverer doit l’amant fort et droit,	a
joyeusement, nettement sans folie,	b
et esperer d’avoir en son destroit	a
a son plaisir sa douce amour jolie.	b
puis, quant il a sa pensée norrie	b
en tel espoir, assés tost s’apersoit	a
comment l’amant ot doulche compagnie,	b
pour le desir ou quel parseveroit.	a