Je chante ung chant

An Archive of Late-Medieval French Lyrics

Other views:

TEI Header Information

Qui ne veut pas
Text: ballade Music: ballade

aka: CMM 21, 43

Anon.
set to music by: Anon.

Witnesses:

Tu9 f. 113v-114r


Remarks:

None available.

Text based upon Tu9

Qui ne veut pas parvenir en despris, a
en desirant avoir honneur et pris, a
toustans fuir mout doit la compagnie b
de cieus qui sont petitement espris a
de sens parfait, et metent en despris a
tous parfais muers par leur tres grant folie; b
car vraiement tousdis est ennemie b
de cieus qu’en elle ont mis fort leur corage; c
si voit on bien, et certes ne faut mie, b
que un fol souvent fallir fait l’oume sage. c
Et desirer doit toustans de cler vis, a
sur toute rien, par droit et bon avis, a
soir et matin d’estre en parfaite lie b
aveuc cieus qui trestous luer cuers ont mis a
en la vertu, com d’elle vrais amis. a
car vraiement discretement s’aliee b
celui qui de eus jamas ne se deslie, b
et qui les fols fuit sans perdre l’usage; c
puis qu’on sait bien de vrai, s’il ne l’oblie, b
que un fol souvent fallir fait l’oume sage. c
Et puis que on sait qu’i n’est rose ne lis a
tant odorant et pleinne de delis a
com est d’user en sagesse la vie, b
on doit tousjours soi tenir, ce m’est vis, a
aveuc cieus qui de folie divis a
sont, et tous pleins de toute bonne envie: b
le fols fuir doit loins, quoi qu’on ly die. b
pourquoy je di vraiement sans otrage, c
pensant en bien et fuiant trischerie, b
que un fol souvent fallir fait l’oume sage. c
© 2007-2012 University of Exeter - Centre for Medieval Studies