Witnesses:

Remarks:

None available.

Text based upon Tu9

	Se vrai secours briefvement ne m’eslye,	a
	languir m’estuet et plorer nuit et jour,	b
	car le sur point qui mon cuer point et lye	a
	d’amers liains et mortels sans sejour,	b
	si durement me fiert qu’en grant destour	b
	passer mon tens me couvient vraiement,	c
	en grant doleur et en amer tormment.	c


	Dont y couvient que hautement je crie:	a
	venés, Confort, venés tost sans demour,	b
	destruisés la felle et crueuse lie	a
	du tres sur point qui me tient en langour,	b
	en tout dangier par son desloial tour,	b
	en pleurs, en plains, en desavancement,	c
	en grant doleur et en amer torment!	c


	Si croi de vrai que je arai son aÿe,	a
	et que porrai bien dire sans folour:	b
	le bon tens est venu; joieuse vie,	a
	sans plus tarder, vers moi fai ton retour;	b
	car lonc tens ay porté peinne et labour,	b
	vivant tousdis tres perilleusement	c
	en grant doleur et en amer torment!	c