Witnesses:

Remarks:

None available.

Text based upon Tu9

Moult longtemps a qu’amer je desir	a
car pour un mal qui durement me chasse	b
mais riens ne vault en moy mon desir	a
car Dangier est qui mon grief mal pourchasse	b
moul durement et par cruele chasse,	b	ms moul ( em.)
par laquele puis moult legierement	c
fenir mes jours par tres amor tourment.	c


Et ja fenis seroie sans mentir,	a
mais Espoirs, qui de ses biens nul ne chasse,	b
m’a tousiours dit que mon grief deuil fenir	a
fera bientost, pourquoi tout mal je passe	b
legierement, quidant avoir la grace,	b
qui sans pitié me fait tres durement	c
fenir mes jours par tres amor tourment.	c


La grace voi de loing paÿs venir	a
pour quoy je doubt qu’a la parfin ne fasse	b
si tart son cours que je viengne a morir,	a
et bien seür vers moy lors la desgrace,	b
se, par Dangier qui tousiours me menasse,	b
languir me faut, je voi tout clerement,	c
fenir mes jours par tres amor tourment.	c