Witnesses:

Remarks:

None available.

Text based upon Tu9

Gente sans per, en qui j’ai bien compris	a
sagesse, honneur, bonté, et grant courtoisie,	b
beauté, doulcheur, plaisance et tres grant pris,	a
noble maintieng et maniere jolie,	b
se vieng a vous en qui mains maint ma vie,	b
faire le doi de tres parfait acort,	c
puis que je truis en vous sannable port.	c


Et dame, qui de tresfin cuer je pris,	a
doulz Espoir m’a commandé que vous die	b
tres humblement, que sans si ne despris	a
la vostre amour, sage et tres bien nourrie,	b
dengniés donner a moi de chiere lie,	b
qui tous sui mis en vos mains sans discort,	c
puis que je truis en nous sannable port.	c	ms nous ( em.)


Car je me sens si grandement espris	a
de vous amer, dame fresche et polie,	b
qu’en tous mes jours serai vostre humble pris,	a
sans penser mal, detrait ne vilenie;	b
pourquoy vous pri, plaine de courtoisie,	b
que me donnés prestement bon confort,	c
puis que je truis en vous sannable port.	c