Je chante ung chant

An Archive of Late-Medieval French Lyrics

Other views:

TEI Header Information

Vostre gent corps
Text: ballade Music: ballade

aka: CMM 21, 59

Anon.
set to music by: Anon.

Witnesses:

Tu9 f. 121v


Remarks:

None available.

Text based upon Tu9

Vostre gent corps, dame digne de pris, a
ens uquel maint toute volenté pure, b
m’a si le cuer de vraie amour espris a
que nuit et jour je veuil mettre ma cure b
de vous servir de fin cuer sans laidure; b
c’est tout mon vueil, et le sachieus pour voir, c
si me vueilliés pour vostre rechevoir. c
En vo pooir, je me rens pris, a
faire poés de vostre creature b
ce que vous plaist, car certes j’ai empris a
d’estre trestout vostre, tant que je dure, b
pourquoi vous pri que ne me soyés dure; b
puis qu’en vos mains je met tout mon voloir, c
si me vueilliés pour vostre rechevoir. c
Dame d’onneur, en qui tout bon avis a
fait son sejour, sage et tresfort meüre, b
douche en tout fait, touchant honneur tousdis, a
bonne et belle, nette de toute ordure, b
je vieng a vous, car de vous m’asseüre; b
puis que mon cuer avés sans dessevoir, c
si me vueilliés pour vostre rechevoir. c
© 2007-2012 University of Exeter - Centre for Medieval Studies