Je chante ung chant

An Archive of Late-Medieval French Lyrics

Other views:

TEI Header Information

Puis qu’avisai
Text: ballade Music: ballade

aka: CMM 21, 61

Anon.
set to music by: Anon.

Witnesses:

Tu9 f. 122v


Remarks:

None available.

Text based upon Tu9

Puis qu’avisai vostre viaire gent a
et le maintieng de vous, ma dame gente, b
a mon pooir je ne fus onques lent a
de cogiter de volenté non lente b
en vo service, de tres pure entente, b
que fort desir faire tout mon vivant, c
en toute honneur, comme leal servant. c
Son doulz atrait tant de doulcheur me rent a
quant je la voi qu’i n’i a chose ne rente, b
qui si fort m’enrichist, don ne present, a
que sa doulcheur qui tousjours m’est presente, b
a qui mon cuer librement je presente b
com celui qui vous sui obeissant, c
en toute honnour, comme leal servant. c
Mon povre cuer aultre joye n’atent, a
que d’estre vostre, en qui maint son atente; b
vostre grant sens, qui sagement l’entent, a
li fasse avoir tost sa tres pure entente, b
que nuit et jour certes avoir il tente b
et tentera, toute bonté pensant, c
en toute honnour, comme leal servant. c
© 2007-2012 University of Exeter - Centre for Medieval Studies