Witnesses:

Remarks:

None available.

Text based upon Tu9

	En ravisant vostre beau vis,	a
	fui tout d’amoureuse pasture	b
	rempli, si que de cuer j’empris	a
	vostre serviche en aventure,	b
	en esperant vostre figure	b
	servir si tres parfaitement	c
	qu’en amé soye vrayement.	c


	Car en lui maint honneur et pris	a
	et trestout les biens sans laidure,	b
	beaulté, douchour, a mon avis,	a
	plus qu’aultre mille creature;	b
	pourquoy sa tresgente figure	b
	veuil obeïr si doulcement	c
	qu’en amé soye vrayement.	c


	Bien m’est doulz veïr quant j’avis	a
	si tres excellente faiture,	b
	de qui sui trestout sans repris,	a
	et si serai sans fourfaiture;	b
	car sa beauté fort m’asseüre	b
	de l’amer si tres droitement	c
	qu’en amé soye vrayement.	c