Je chante ung chant

An Archive of Late-Medieval French Lyrics

Other views:

TEI Header Information

Je sens mon ceur
Text: ballade Music: ballade

aka: CMM 21, 70

Anon.
set to music by: Anon.

Witnesses:

Tu9 f. 126v


Remarks:

None available.

Text based upon Tu9

Je sens mon ceur si fort d’amours espris a
par la beauté d’unne tres doulce flour, b
noble et gentil, haute, de tres grant pris, a
souveraine de toutes en hounour, b
que se vers moi n’encline sa doulchour b
pour la dolour de mon ceur amenrir, c
je croi que tost me couvenra morir. c
Car le maintieng doulz qu’elle a bien apris, a
et la clarté de sa fresce coulour b
ont si tres fort mon povre ceur souspris a
qu’aultre ne fai fors penser a s’amour. b
ainsi languis en si grieve dolour b
que s’elle laist mon ceur plus afoiblir, c
je croi que tost me couvenra morir. c
Pour ce requier a celle que tant pris, a
tres humblement, que de sa doulce amour b
mon povre ceur conforte qu’elle a pris, a
et qui pour elle est tousdis en ardour, b
si durement tourmenté nuit et jour b
que se tel mal gaires me faut souffrir, c
je croi que tost me couvenra morir. c
© 2007-2012 University of Exeter - Centre for Medieval Studies