Witnesses:

Remarks:

None available.

Text based upon Tu9

	Tres joli mois de mai auquel soloie	a
	mener desduit, tout bon tens et plaisir,	b
	en ta saison ores je ne poroie	a
	autre mener que peinne et desplaisir;	b
	car tout le bien que j’avoie, falir	b
	vis en un point de moi qui tant m’enflame,	c
	que ne poroie avoir plaisir, par m’ame.	c


	En ta saison toustans je raverdoie,	a
	trestout mon cuer sentoie reflorir,	b
	autre chose faire je ne voloie	a
	fors que de cuer joieusement servir	b
	loialle amour soir et main sans mentir;	b
	mais mon grief mal ores si fort m’entame,	c
	que ne poroie avoir plaisir, par m’ame.	c


	Mout me desplaist, mais autre ne saroie	a
	faire, fors que fort plorer et gemir;	b
	ceste vie volentier changeroie,	a
	mais la doleur de moi ne peut partir,	b
	qui nuit et jour me point sans departir,	b
	et m’art si de sa tres cruelle flame,	c
	que ne poroie avoir plaisir, par m’ame.	c