Witnesses:

Remarks:

None available.

Text based upon Tu9

	Flour de beaulté, garnie de douchour,	a
	jone, plaisant, gracieuse et jolie,	b
	vo doulz atrait et vostre noble atour,	a
	vo gentil corps et vostre chiere lie	b
	m’ont enflammé si d’ardant maladie	b
	qu’il m’estuet vivre en amer desconfort	c
	se n’ai bien tost un amoureux confort.	c


	Il a long temps, dame digne d’onnour,	a
	que vostre amour ai forment pourchassie,	b
	mais vostre ceur s’est mis en tante errour	a
	que de tout point vers moi ne s’amolie;	b
	c’est moult grant tort, et voi sans trecherie	b
	qu’il m’estuet vivre en amer desconfort	c
	se n’ai bien tost un amoureux confort.	c


	O doulz Espoir, qui en moi l’amere amour	a
	as si tresfort ordonnée et nourrie,	b
	va a Pitié, di li que sans sejour	a
	viengne bien tost, car ma dame endurcie	b
	s’est contre moi, et doulcement li die	b
	qu’il m’estuet vivre en amer desconfort	c
	se n’ai bien tost un amoureux confort.	c