Witnesses:

Remarks:

None available.

Text based upon Tu9

	Fortune m’est cruelement contraire	a
	a mon besoing par sa tres grant fureur;	b
	bien je le voi mais ne m’en puis retraire,	a
	car l’ochoison d’une moult fiere ardeur	b
	m’estraint a ce dont je sens la doleur	b
	tres grant et fort d’une guise moult sure,	c
	qui mon cuer point de la mortel morsure.	c


	Helas, je sens qu’elle me veult detraire	a
	et mettre au bas par tres cruel tour,	b
	car tost me veult de ceste vie traire	a
	par les martirs qui me tiennent en pleur,	b
	dont tousdis sens la paine et la langour	b
	tres grant et fort d’une guise moult sure,	c
	qui mon cuer point de la mortel morsure.	c


	Or me couvient le bonEspoir attrairee	a
	du viaire tout rempli de doussour,	b
	qui mire ert bon pour mon las ceur refaire	a
	et resjoir par sa tres grant valour,	b
	ou aultrement je muir par la savour	b
	tres grant et fort d’une guise moult sure,	c
	qui mon cuer point de la mortel morsure.	c