Je chante ung chant

An Archive of Late-Medieval French Lyrics

Other views:

TEI Header Information

Onques Jason n’ama
Text: ballade Music: ballade

aka: CMM 21, 82

Anon.
set to music by: Anon.

Witnesses:

Tu9 f. 131v


Remarks:

None available.

Text based upon Tu9

Onques Jason n’ama si fort Medée, a
ne le bon Paris si parfaitement b
la belle Helaine, que tant desirée a
ot moult grant temps de ceur entierement, b
comme fai vous selonc mon jugement. b
s’en sui dolent quant ne m’en puis retraire, c
puis que vers moi estes si fort contraire. c
Vostres beaulté, que j’ai tousjours loée a
de ceur parfait et mise hautement, b
m’a fait prison d’amours par destinée, a
si que la sui enfermé doulcement, b
d’ou je ne puis escaper nullement, b
s’en sui dolent quant ne m’en puis retraire, c
puis que vers moi estes si fort contraire. c
Si vous suppli, puis qu’ensi fort amée a
estes de moi, desliés humblement b
l’indissoluble neu qui a liée a
ma volenté d’amer vous leaument, b
car je vous ai amée droitement. b
s’en sui dolent quant ne m’en puis retraire, c
puis que vers moi estes si fort contraire. c
© 2007-2012 University of Exeter - Centre for Medieval Studies