Je chante ung chant

An Archive of Late-Medieval French Lyrics

Other views:

TEI Header Information

Tout houme veut
Text: ballade Music: ballade

aka: CMM 21, 92

Anon.
set to music by: Anon.

Witnesses:

Tu9 f. 134v-135r


Remarks:

None available.

Text based upon Tu9

Tout houme veut aus biens d’amour partir, a
mais poi en sont qui s’en veullent partir a
des meurs qui d’amour les font esloingnier b
pour quoi, s’on voit leur desir departir a
des tres grans biens qu’amour sait compartir a
il ne s’en doit ja de riens mervellier; b
car celui qui se delite en amer b
toutte vertu sagement doit aprendre c
et diligent estre en tous bien ovrer, b
sans onques mais autre rien entreprendre. c
Humble, courtois, liberal sans fallir, a
honeste et pacient au desplaisir a
doit vraiement estre sans oblier b
celui qui veut des biens d’amour joïr; a
sobre, soingneus et soi riens esjoïr a
de l’autrui mal, que on doit mout eschiver, b
par cherité doit ses fais achever b
et tout bon meur fort acoler etprendre, c
husant en bien son vivre tout entier, b
sans onques mais autre rien entreprendre. c
Trestous ces poins font l’amant parvenir a
au biau tresor d’amour, ou devenir a
mout tost le voit on riche et haut monter, b
puis que s’en veullie ainsi fort maintenir a
tout son vivant, sans soir ne main tenir a
chemin par quoi on le puist surmonter b
et faire tost de ce bien desmonter, b
que possesser, sans qu’on le puist reprendre, c
puet vraiement vivant tout net et cler, b
sans onques mais autre rien entreprendre. c
© 2007-2012 University of Exeter - Centre for Medieval Studies