Witnesses:

Remarks:

None available.

Text based upon Tu9

	S’aucunne fois Fortunne son effort	a
	contre moy fait, qui navre et poinnt tres fort,	a
	je ne me doy desconforter de trait,	b
	ains prestement, laissant tout desconfort,	a
	garnir me doy de tout parfait confort;	a
	car je sai bien, vraiement sans detrait,	b
	que, combien qu’elle a mains souvent de trait	b
	mortel cuidé ferir, petitement	c
	prisier la doi, combien qu’elle detrait,	b
	vivant tousdis en bon contentement.	c


	Raison est celle qui tout me remort	a
	et fait que, quant Fortunne me remort,	a
	cuidant moi tout avoir par faus contrait,	b
	que soie vif, eschapant de la mort,	a
	liés et joieus, plains de glai qui ne mort,	a
	en desprisant son fait, tort et contrait,	b
	lequel sans faute destruit et contrait	b
	maint cuer, et tue mout soubitement.	c
	pourquoy le mien a ce vertu encontre ait,	b
	vivant tousdis en bon contentement.	c


	Et par ainci porra joïr de port	a
	bon et seür, plain de tout vray deport,	a
	eschapant de son malicieus trait	b
	du quel ne peut on faire bon raport,	a
	pour ce qu’i est d’un tres amer aport,	a
	et que souvent pluiseurs a la mort trait;	b
	de son dangier me sui trestout retrait	b
	sans retourner, s’a Dieu plaist quitement	c
	se lacheté vers moy ne se retrait,	b
	vivant tousdis en bon contentement.	c