Witnesses:

Remarks:

None available.

Text based upon Ox308

1	An mon chanteir me reconfort	a	8
2	et por ceu lou vuel maintenir	b	8
3	car je met an plus biau deport	a	8
4	les malz c’amors me font santir	b	8
5	an atandant lou dous plaixir	b	8
6	et an umblement obeïr	b	8
7	ma dame, si n’ai mie tort,	a	8
8	car c’est mon soverain resort.	a	8


9	Tout adés an mon cuer reicort	a	8
10	sa biauteit, s’an fais maint sospir	b	8
11	de paour que par son escort	a	8
12	ne puixe a sa graice venir;	b	8
13	mais un dous espoir de joïr	b	8
14	me ferait tot adés servir	b	8
15	ma dame, si n’ai mies tort,	a	8
16	car c’est mon soverain resort.	a	8


17	Amors m’arivait a droit port	a	8
18	don jai n’an quier mon cuer partir,	b	8
19	ains i serai jusc’a la mort	a	8
20	an esperance de merir;	b	8
21	et je penerai d’aconplir	b	8
22	et de faire tout lou desir	b	8
23	ma dame, si n’ai mies tort,	a	8
24	car c’est mon soverain resort.	a	8