Other views:
TEI Header Information
Bone amour me fait chanter
Text:
Ballette: Chanson à refrain (post-strophic)
aka: Douce Ballette xiiii
aka: Ref: RS813
Anon.
Text based upon Ox308
| 1 | Bone amour me fait chanter | a | ||
| 2 | et demeneir joie, | b | ||
| 3 | si ne la puix oblïer, | a | ||
| 4 | car moins an vadroie; | b | ||
| 5 | car celle a cui toz s’otroie | b | ||
| 6 | mes cuers san jai remüeir | a | ||
| 7 | m’aprent si bien a ameir | a | ||
| 8 | c’oblïer ne la poroie. | b | ||
| 9 | Dame, por vous voil trover | a | ||
| 10 | chant, se je savoie, | b | ms ce ( Doss-Quinby em. ) | |
| 11 | ki me peüst conforter, | a | ||
| 12 | a ceu ke vodroie | b | ||
| 13 | ke la vostre amour fut moie. | b | ||
| 14 | Li herdemens dou panceir | a | ||
| 15 | m’aprant si bien a amer | a | ||
| 16 | c’oblïer ne la poroie. | b | ||
| 17 | Balaide, sens demoreir | a | ms sens ( Doss-Quinby em.) | |
| 18 | vai ou je t’anvoie | b | ||
| 19 | a m’amïete parler, | a | ||
| 20 | et fai k’elle t’oie. | b | ||
| 21 | Por la millor ke nuns voie, | b | ||
| 22 | a ceu c’on mont n’ait sa per, | a | ||
| 23 | m’aprent si bien a amer | a | ||
| 24 | c’oblïer ne la poroie. | b | ||