Witnesses:

Remarks:

None available.

Text based upon Ox308

1	Amors ne se donne, mais elle se vant:	a
2	il est nuns ki soit ameis, s’i n’ait argent.	a

3	S’il est un viellars pansus, tezis devant,	a	ms Cil ( Doss-Quinby em. )
4	et k’il ait estei truans tot son vivant,	a
5	s’il ait aikes a doner, on i antant,	a	ms cil ( Doss-Quinby em. )
6	et l’autre lait on aler, qui point n’i tant.	a
7	Amors ne se donne, mais elle se vant:	a
8	il est nuns ki soit ameis, s’i n’ait argent.	a


9	Ceu puet on moult bien prouer certainnement,	a
10	car il n’est nuns ke tant ainme loialment,	a
11	s’il n’ait pooir de doneir, ki puist niant	a	ms cil ( Doss-Quinby em. )
12	an amor monteplïer de son talant.	a
13	Amors ne se donne, mais elle se vant:	a
14	il est nuns ki soit ameis, s’i n’ait argent.	a


15	Lëaulteis est tote morte simplement	a
16	an feme: s’on li aportë, elle lou prant;	a
17	qui n’ait riens voist a la porte avuelz lou vant.	a
18	Ensi desoivent les femes bone gent.
19	Amors ne se donne, mais elle se vant:	a
20	il est nuns ki soit ameis, s’i n’ait argent.	a