Je chante ung chant

An Archive of Late-Medieval French Lyrics

Other views:

TEI Header Information

Aucune gens vont dixant
Text: Ballette: Chanson à refrain (post-strophic)

aka: Douce Ballette xxi

aka: Ref: RS337

Anon.

Witnesses:

Ox308 Ref: f. 212v-213r (224v-225r)


Remarks:

None available.

Text based upon Ox308

1 Aucune gens vont dixant a
2 ke j’ain et si suix amee, b
3 et bien se vont parcevant a ms ce ( Doss-Quinby em. )  
4 a cui j’ai m’amor donee. b
5 Ja ne savront mai pancee, b
6 mai por aulz crever ferai c
7 chanson ke je chanterai: c
8 J’ai bel amin cointe et gai; c
9 amors a cui suix voee b
10 vuelt ke j’ain, si l’amerai. c
11 Se je dixoie an mon chant: a
12 Amors fut an moi antree, b
13 de moi s’iroient mocant a
14 celle gent maleüree, b
15 mais bien me suix avisee b
16 que por aus creveir serai. c
17 jolie, si amerai. c
18 J’ai bel amin cointe et gai; c
19 amors a cui suix voee b
20 vuelt ke j’ain, si l’amerai. c
21 Per mainte fois en riant a
22 me suix d’acun mot passee b
23 c’on m’ait dit an estordant, a
24 ausi conbien esprovee b
25 sovant suix d’ialz ranponee; b
26 mais jai por ceu ne larai c
27 ke ne die de cuer gai: c
28 J’ai bel amin cointe et gai; c
29 amors a cui suix voee b
30 vuelt ke j’ain, si l’amerai. c
31 Aï! fellon mal pansant, a
32 Deu vos dont mal le jornee! b
33 mains amant faites doulant, a
34 s’aveis mainte amour troublee. b
35 Jai por ceu n’iert oblïee b
36 l’amor c’an mon amin ai. c
37 An despit d’iaus tous dirai: c
38 J’ai bel amin cointe et gai; c
39 amors a cui suix voee b
40 vuelt ke j’ain, si l’amerai. c
© 2007-2012 University of Exeter - Centre for Medieval Studies