Je chante ung chant

An Archive of Late-Medieval French Lyrics

Other views:

TEI Header Information

Dame, bien me doveroie
Text: Ballette: Chanson à refrain (initial and post-strophic)

aka: Douce Ballette lxii

aka: Ref: RS1714

Anon.

Witnesses:

Ox308 Ref: f. 218r-v (230r-v)


Remarks:

None available.

Text based upon Ox308

1 Dame, bien me doveroie a
2 plaindre de vous par raixon, b
3 can de vous avoir soloie a
4 joie, or n’en ai se duel non. b
5 Se j’ai ma poinne perdue c
6 an vous, bien me doit peser, d
7 car amee et chier tenue c
8 vos ai lonctans sans faucer. d
9 D’amer m’aveis mis en voie, a
10 or me failleis a beson b ms besoing ( Doss-Quinby em. )  
11 se m’eist Deu, pas ne cudoie a
12 c’an vous ust teil traïxon. b
13 Dame, bien me doveroie a
14 plaindre de vous par raixon, b
15 can de vous avoir soloie a
16 joie, or n’en ai se duel non. b
17 An mon lit trop mi remue, c
18 can je me doi reposer: d
19 un griés malz formant m’arguwe c
20 plus ke n’oze demoustrer, d
21 car vostre amor desiroie a
22 a avoir plus ke nuns hons b
23 bien deservir lou cudoie, a
24 mais autre an aveis fait don. b
25 Dame, bien me doveroie a
26 plaindre de vous par raixon, b
27 can de vous avoir soloie a
28 joie, or n’en ai se duel non. b
29 Je clain quite vostre aiaiüe c ms aide ( Gennrich em. )  
30 a tous jors sans recovrer, d
31 car trop iestes ameihuwe c
32 de mavais samblant moustrer. d ms moustrei ( Doss-Quinby em. )  
33 Certes, bien lou me dixoient a
34 cilz ke vostre vexins sont! b
35 Mais celle ou mes cuers s’otroie a
36 valt mües de vous, ce dist on. b ms se ( Doss-Quinby em. )  
37 Dame, bien me doveroie a
38 plaindre de vous par raixon, b
39 can de vous avoir soloie a
40 joie, or n’en ai se duel non. b
© 2007-2012 University of Exeter - Centre for Medieval Studies