Je chante ung chant

An Archive of Late-Medieval French Lyrics

Other views:

TEI Header Information

Amors m’anvoie a mesaige
Text: Ballette: Chanson with no refrain

aka: Douce Ballette lxxi

aka: Ref: RS30

Anon.

Witnesses:

Ox308 Ref: f. 219v-220r (231v-232r)


Remarks:

None available.

Text based upon Ox308

1 Amors m’anvoie a mesaige a
2 a vous, dame de haut prins, b
3 ke vos li faites homaige, a
4 si savreis qu’iert vrais amins; b
5 joie en vient, soulais et rins. b
6 Laxiés vostre beguinaige, a
7 s’irons oïr on bocaige a
8 lou chant des oixiaus jolins. b
9 Certes, sire, n’ameroie c
10 por riens ne vous ne autrui. d
11 Traiés arier vostre voie c ms Traites ( Meyer em. )  
12 et aleis an sus de mi. d
13 Se d’amors avoie cri d
14 ne s’omaige lour faisoie, c
15 certes, sire, j’ameroie c
16 moult plus jolivet amin. d
17 Douce dame debonaire, e
18 de mon cors vos fais presant. f
19 Torneis ver moi vos viaire, e
20 regardeis moi doucement f
21 de vos eulz vars et rians, f
22 ne soiez ver moi si fiere! e
23 Jointes mains vos fais prïere: e
24 receveis moi por amant. f ms reseveis ( Doss-Quinby em. )  
25 Sire, vous m’aveis conquise; g
26 a ceu m’ont amors meneit. h
27 S’osterai ma gone grixe, g
28 si vorrai chainxe rideit. h
29 Sire, vostre volanteit h
30 ferai, a vostre devise, g
31 et vos ferai teil servixe g
32 que vos vanrait a boin greit. h
33 Adeu, adeu, beguinaige, a
34 jolïemant part de toi; i
35 n’i paierai lou musaige, a
36 ains irai anver anoi. i ms on ver ( Doss-Quinby em. )  
37 Antre mon amin et moi i
38 si mainrons d’amor la raige. a
39 Je renoie beguinaige; a
40 dous amins, acoleis moi! i
41   ms Adeu adeu. ( Doss-Quinby del. )  
© 2007-2012 University of Exeter - Centre for Medieval Studies