Je chante ung chant

An Archive of Late-Medieval French Lyrics

Other views:

TEI Header Information

Dame d’onor qui valeis tant
Text: Ballette: Chanson à refrain (initial and post-strophic)

aka: Douce Ballette lxxvii

aka: Ref: RS362

Anon.

Witnesses:

Ox308 Ref: f. 220v-221r (232v-233r)


Remarks:

None available.

Text based upon Ox308

1 Dame d’onor qui valeis tant a
2 car deveneis m’amie! b
3 Je vos servirai loialment. a
4 Ma dame, de cui je vos chans, a
5 est de tous bien garnie: b ms bien ( Doss-Quinby em.)  
6 saige, cortoise, et bien parlans, a
7 jante, jone et jolie; b
8 bouche vermeille, eus vars rians, a
9 blanche gorge polie; b
10 gracïouse et bien avenans. a
11 Dame d’onor qui valeis tant a
12 car deveneis m’amie! b
13 Je vos servirai loialment. a
14 Des ke vous vi premierement, a
15 ma dame signorie, b
16 mon cuer i mix antierement, a
17 s’i voil uzeir ma vie; b
18 car nulle rienz ne dezir tant a
19 com avoir vostre aïe b
20 par vostre greit; c’est biaus presant. a
21 Dame d’onor qui valeis tant a
22 car deveneis m’amie! b
23 Je vos servirai loialment. a
24 Je vos jur, dame, vraiement, a
25 et si n’an doteis mie; b
26 si me dont Deus aprochement a
27 de vostre compaignie! b
28 On mont n’ait riens ke dezir tant a
29 ke puisse dire Amie! b
30 par vostre dous consentement. a
31 Dame d’onor qui valeis tant a
32 car deveneis m’amie! b
33 Je vos servirai loialment. a
34 A douteir font li mesdixant; a
35 sor amans ont anvie. b
36 Dame, teneis moi por amant a
37 s’iert mai joie acomplie. b
38 Car se nos somes d’un talent, a ms ce ( Doss-Quinby em. )  
39 ous et lour conpaignie b
40 eschüerons plus saigement. a
41 Dame d’onor qui valeis tant a
42 car deveneis m’amie! b
43 Je vos servirai loialment. a
44 Chanson, vai t’an celleement a
45 a celle an cui bailie b
46 ai mis trestout entierement a
47 cuer et cors sans boidie. b
48 Secorreis moi hastivement, a
49 s’iert lai guerre fenie b
50 et ma joie iert doublee an sant.
51 Dame d’onor ki valeis tant a
52 car deveneis m’amie! b
53 Je vos servirai loialment. a
© 2007-2012 University of Exeter - Centre for Medieval Studies