Je chante ung chant

An Archive of Late-Medieval French Lyrics

Other views:

TEI Header Information

Je me duel, amie
Text: Ballette: Chanson à refrain (initial and post-strophic)

aka: Douce Ballette lxxxv

aka: Ref: RS1101

Anon.

Witnesses:

Ox308 Ref: f. 222r


Remarks:

None available.

Text based upon Ox308

1 Je me duel, amie, des dous malz ke j’ai; a
2 se n’ai vostre aÿde, bien croi j’an morrai. a
3 Amours qui m’ont pris si me font chanteir, b
4 an prison m’ont mis dont ne puis dureir: b
5 c’est por la blondete cui je n’oz nomeir; b ms oze ( Gennrich em. )  
6 se secors je n’ai, jai n’an garirai. a ms cecors ( Gennrich em. )  
7 Je me duel, amie, des dous malz ke j’ai; a
8 se n’ai vostre aÿde, bien croi j’an morrai. a
9 Languir me covient et dou tout morir; c
10 je suis autreciconun drois martir: c ms autreci ( Doss-Quinby em.)  
11 je ris de la bouche et dou cuer sopir c
12 et tramble tous jors et point de froit n’ai. a
13 Je me duel, amie, des dous malz ke j’ai; a
14 se n’ai vostre aÿde, bien croi j’an morrai. a
15 De froit n’ai je point, mais li malz me tient d
16 sor mai mamelette, qui d’amors me vient; d
17 c’est por lai blondette de cui me sovient d
18 cui j’ain sans fauceir; ja n’an partirai. a
19 Je me duel, amie, des dous malz ke j’ai; a
20 se n’ai vostre aÿde, bien croi j’an morrai. a
21 Quant regart son vis sai cleire fasson, e
22 ses eus, sa bochette, son votis manton, e ms ces ( Doss-Quinby em. )  
23 je suis plus jolis ke nuns oixillons; e
24 sa tres grant biauteit me tient cointe et gai. a
25 Je me duel, amie, des dous malz ke j’ai; a
26 se n’ai vostre aÿde, bien croi j’an morrai. a
27 An ma chansonete pri je doucement f
28 k’elle n’oblit mies son loial amant, f
29 car amors faucetes ne valent niant f
30 et an bien amer tous jors me tanrai. a
31 Je me duel, amie, des dous malz ke j’ai; a
32 se n’ai vostre aÿde, bien croi j’an morrai. a
© 2007-2012 University of Exeter - Centre for Medieval Studies