Je chante ung chant

An Archive of Late-Medieval French Lyrics

Other views:

TEI Header Information

Saige blondette, vos biauteit
Text: Ballette: Chanson à refrain (initial and post-strophic)

aka: Douce Ballette cii

aka: Ref: RS404

Anon.

Witnesses:

Ox308 Ref: f. 224v (235v)


Remarks:

None available.

Text based upon Ox308

1 Saige blondette, vos biauteit a
2 m’ait si pres dou cuer navreit, a
3 bien croi jai n’an guerireiz. a
4 Amors m’aprent a ameir a
5 lai millour c’on puist troveir a
6 deisai meir ne deilai meir; a ms deisai ( Doss-Quinby em. )  
7 an li n’ait riens ke blaismeir, a
8 de tant l’oz je bien vanteir. a
9 Saige blondette, vos biauteit a
10 m’ait si pres dou cuer navreit, a
11 bien croi jai n’an guerireiz. a
12 Dame ou tant ait de bonteit, a
13 cor aiez de moi piteit. a
14 Servir vos voil et ameir a
15 tant con je porai dureir; a
16 jai ne quier aillors panceir. a
17 Saige blondette, vos biauteit a
18 m’ait si pres dou cuer navreit, a
19 bien croi jai n’an guerireiz. a
20 Belle cui je n’oz nomeir, a
21 ne me doveiz ranfuzeir a
22 car cuers ne poroit panceir a
23 ne nuns ne poroit nombreir a
24 con je vos ain sans fauceir. a
25 Saige blondette, vos biauteit a
26 m’ait si pres dou cuer navreit, a
27 bien croi jai n’an guerireiz. a
28 Se de moi n’aveis piteit a
29 morir m’estuet et fineir; a
30 mais ceu iert por bien ameir, a
31 s’an feriez trop a blameir a
32 s’anci me laissiez fineir. a
33 Saige blondette, vos biauteit a
34 m’ait si pres dou cuer navreit, a
35 bien croi jai n’an guerireiz. a
36 Dame, je ne puis panceir a
37 ke si grande crualteit a
38 con de vostre amin fineir a
39 fust an si tres grant biauteit; a
40 ceu me fait reconforteir. a
41 Saige blondette, vos biauteit a
42 m’ait si pres dou cuer navreit, a
43 bien croi jai n’an guerireiz. a
© 2007-2012 University of Exeter - Centre for Medieval Studies