Je chante ung chant

An Archive of Late-Medieval French Lyrics

Other views:

TEI Header Information

Por ceu chant
Text: Ballette: Chanson à refrain (initial and post-strophic)

aka: Douce Ballette cxviii

aka: Ref: RS301

Anon.

Witnesses:

Ox308 Ref: f. 226v (237v)


Remarks:

None available.

Text based upon Ox308

1 Por ceu chant: a
2 j’ain sans faire faus samblant a
3 a loi de tres fins amant. a
4 On dist ke j’ain facement a
5 et ke je suis pou jolis b
6 et ke trop comunement a
7 vait mes cuers par lou païs, b
8 mais certes il ont mespris b
9 cilz qui de ceu vont parlant. a
10 Por ceu chant: a
11 j’ain sans faire faus samblant a
12 a loi de tres fins amant. a
13 Ne seivent keil mal je sent a
14 cil qui de ceu m’ont repris: b
15 je suis liez entre les gens a
16 teil fois c’a cuer suis pancis; b
17 si j’ain dame de haut pris b
18 ne m’an doie alleir vantant. a
19 Por ceu chant: a
20 j’ain sans faire faus samblant a
21 a loi de tres fins amant. a
22 Se j’amaixe faucement, a
23 je fuxe pies’ai banis b
24 de l’abie et dou covent a
25 d’ amour, qui mon cuer ait mis b
26 en celle a cui suis amins, b
27 suis et serai mon vivant. a
28 Por ceu chant: a
29 j’ain sans faire faus samblant a
30 a loi de tres fins amant. a
© 2007-2012 University of Exeter - Centre for Medieval Studies