Witnesses:

Remarks:

None available.

Text based upon Ox308

1	On dit ke trop suis jone, ce poize mi,	a	ms se ( Doss-Quinby em. )
2	mais asseis suis saigette, por faire amin!	a

3	Pancis d’amour au tens paiscour	b
4	l’atre jor chaminoie	c
5	et truix pastore an un destour	b
6	ki de moinne grant joie.	c
7	Ver li tornai ma voie	c
8	cant je l’oÿ	a
9	dire ceste chanson ansi:	a
10	On dit ke trop suis jone, ce poize mi,	a	ms se ( Doss-Quinby em. )
11	mais asseis suis saigette, por faire amin!	a


12	Moult fu joious c’an teil estour	b
13	trovai la simple et coie;	c
14	je li dix: Dame, mes cuers tous	b
15	est vostre, ou ke je soie.	c
16	Elle dist: J’an ai joie	c	ms Je ( Doss-Quinby em. )
17	soiez vos ci,	a
18	et vos juwereiz avec mi.	a	ms juweiz ( Doss-Quinby em. )
19	On dit ke trop suis jone, ce poize mi,	a	ms se ( Doss-Quinby em. )
20	mais asseis suis saigette, por faire amin!	a


21	Quant il li plait par sai dousour	b
22	que je deleiz li soie,	c
23	je li ai dit sans lon sejor:	b	ms lons ( Doss-Quinby em. )
24	Se vostre amor avoie,	c	ms Ce ( Doss-Quinby em. )
25	plus jolis an seroie,	c
26	je lou vos di.	a
27	Mais plus ne pou traire de li.	a
28	On dit ke trop suis jone, ce poize mi,	a	ms se ( Doss-Quinby em. )
29	mais asseis suis saigette, por faire amin!	a