Witnesses:

Remarks:

None available.

Text based upon Ox308

1	Dont sont, qui sont	a
2	ci varlet a ces cornettes?	b
3	Par la meire Deu, bien vont!	a

4	L’autre jour moi chivachoie	!
5	mon chamin devers Angiers,	d
6	si ancontrai une dame	!
7	qui chantoit des escuwiers	d
8	et dit qu-il sont	a
9	orguillous por lor cornettes	b
10	qu-il ont an lour chaperon.	a
11	Dont sont, qui sont	a
12	ci varlet a ces cornettes?	b
13	Par la meire Deu, bien vont!	a


14	Je demandoi a lai dame:	!	ms demandoi ( Doss-Quinby em.)
15	Dont sont or cil escuier,	d
16	de Poitou, ou de Tor ainne?	!
17	Cowes ont de mal livrier.	d
18	Et elle dist	!
19	qu’il sont orguillous sans faille	c
20	por les cornetes qu’il ont.	a
21	Dont sont, qui sont	a
22	ci varlet a ces cornettes?	b
23	Par la meire Deu, bien vont!	a


24	Cis petis chaipiaus de fautre	!	ms Sis ( Doss-Quinby em. )
25	sont or mout venus avant;	e
26	il sont amploiez derriere	!
27	et se sont agus devant.	e
28	Li amerous	!
29	les mettent de sor lor testes	!
30	por les mowes qu’il en font.	a
31	Dont sont, qui sont	a
32	ci varlet a ces cornettes?	b
33	Par la meire Deu, bien vont!	a