Je chante ung chant

An Archive of Late-Medieval French Lyrics

Other views:

TEI Header Information

L’autrier par un matinet
Text: Ballette: Chanson à refrain (post-strophic)

aka: Douce Ballette cxxxviii

aka: Ref: RS964

Anon.

Witnesses:

Ox308 Ref: f. 230r (241r)


Remarks:

None available.

Text based upon Ox308

1 L’autrier par un matinet a
2 per un petit uxelet a
3 m’an antrai en un jardin; b
4 par un estroit santelet a
5 aloie tout lou passet. a
6 S’oÿ sus un aubepin b
7 un home qui a sa feme c
8 tensoit, mais pas n’entendi; d
9 mais j’ai mout tres bien oït d
10 k’elle li dit: Vilains jalous, e
11 s’i ne vos siet, s’alleis aillors! e
12 Un pou me sux avant trais, a
13 sans faire noixe ne plais a
14 m’asis deleis un sapin; b
15 li boins hons la chastïait a
16 et doucement li dixoit: a
17 Dame, de cuer anterin b
18 vos ain; si vos di, par m’arme, c
19 ke j’ai au cuer grant anuit d
20 et si ne sai pais por cui d
21 vos m’apelleiz vilains jalous. e
22 S’i ne vos siet, s’alleis aillors! e
23 La dame tout antresait a
24 li dit: Vilains malportrait, a
25 toz jors flairiez vous lou vin! b
26 Vos n’avez en moi nuns droit, a
27 car j’ai amin qui me plait; a
28 ancor lo vi au matin b ms en ( Doss-Quinby em. )  
29 si sai bien k’il n’ainme feme c
30 nulle tant com il fait mi. d
31 Et si vos di, depair li, d
32 se je vif, il vos ferait cous, e
33 s’il ne vos siet, s’alleis aillours! e ms cil ( Doss-Quinby em. )  
© 2007-2012 University of Exeter - Centre for Medieval Studies