Witnesses:

Remarks:

None available.

Text based upon Ox308

1	Or est raisons, et si l’acorde drois,	a
2	ke je faice dame ceu ke vodrois:	a
3	a vostre amor, dame noble, me taigne;	b	ms doble ( Doss-Quinby em. )
4	je pri mon cuer nuit et jor lan sovaigne.	b
5	Coment c’amors crueilment se maintaigne	b
6	ver moi, toz jors con sienz liges me praigne!	b


7	Dame plaixans, vos gent cors lons et drois,	a
8	vostre cleir vis rians, simples et cois,	a
9	me dit, dame, ke je point ne refraigne	b
10	de vos ameir; voilliez merci m’an vaigne.	b
11	Coment c’amors crueilment se maintaigne	b
12	ver moi, toz jors con sienz liges me praigne!	b


13	En bien ameir geist mes loiaz esplois;	a
14	bien voil soffrir les dongiers, les anois	a
15	de vos, dame, cui biens et honour vaigne.	b
16	A vos me rant, et il vos en sovaigne!	b
17	Coment c’amors crueilment se maintaigne	b
18	ver moi, toz jors con sienz liges me praigne!	b