Je chante ung chant

An Archive of Late-Medieval French Lyrics

Other views:

TEI Header Information

Talant m’ait pris de chanter
Text: Ballette: Chanson with no refrain

aka: Douce Ballette clxxxiiii

aka: Ref: RS792

Anon.

Witnesses:

Ox308 Ref: f. 237r (248r)


Remarks:

None available.

Text based upon Ox308

1 Talant m’ait pris de chanter a
2 et de querre tour b
3 se nuns poroit escordeir a
4 destresse et amour b
5 Certes, j’ai panceir folour, b
6 se dirai coment: c ms ce ( Doss-Quinby em. )  
7 an destroit cuer nullement c
8 amors n’enterrait, d
9 mais an toz leus lou furait. d
10 Je di nuns ne doit ameir a
11 s’il n’est de valour b ms cil ( Doss-Quinby em. )  
12 plains, et lairges de doneir, a
13 et garnis d’onour; b
14 entendeiz bien, li millour, b
15 c’est ensignement, c
16 je lou vos moustre en chantant; c
17 jai ne lou hairait d
18 vaillant cuers, ainz l’amerait. d
19 Destresse doit demoreir a
20 aueucke tristour b
21 se ne doient escouteir a
22 biaus mos li plusour b
23 qui enfermei en teil tour b
24 sont, mais li amant c
25 c’amours ansaigne et aprant; c
26 chascuns maintanrait d
27 joie tant con il vivrait. d ms viverait ( Doss-Quinby em. )  
© 2007-2012 University of Exeter - Centre for Medieval Studies