Je chante ung chant

An Archive of Late-Medieval French Lyrics

Other views:

TEI Header Information

Se je me plain
Text: Ballette: Chanson with no refrain

aka: Douce Ballette clxxxv

aka: Ref: RS1882

Anon.

Witnesses:

Ox308 Ref: f. 237r (248r)


Remarks:

None available.

Text based upon Ox308

1 Se je me plain, j’ai bien raison a
2 de celle qui lait deservi: b
3 je l’ai amee de cuer boin a
4 mais ver moi l’ait trop mal merit b
5 k’elle m’ait laixiét et failli, b
6 et ait fait a un autre don a
7 de ceu k’ai eüt a bandon; a
8 mais se je puis, et se je vis, b ms ce ( Doss-Quinby em. )  
9 je l’an randerai gueridon. a
10 Coment s’oze feme moustreir c
11 devant celui cui elle faut? d
12 On les voit plus desmesureir c
13 c’une bone daime qui vaut; d
14 c’est droie puez que feme tressaut d
15 de lai ou elle doit ameir: c
16 c’est li glous qui tout welt tateir, c
17 et morcial froit et morcial chaut d
18 on ne lai puet asaioleir. c
19 Et ceu par force ou par amours e
20 ke de li ne me puis partir? f
21 Nennil, certes, ainz est follours e
22 qui me fait lacier et tenir f
23 je doi bien ma vie haïr f
24 cant je soffre por li dollours. e
25 Dame, honis soit vos secours e
26 qui ne welt a moi revenir, f
27 mais vous l’aveis doneit aillors. e
© 2007-2012 University of Exeter - Centre for Medieval Studies