Witnesses:

Remarks:

None available.

Text based upon MaG

1	Riens ne me puet annuier ne desplaire	a	10'
2	que je puisse pour ma dame sentir	b	10
3	quar la doucour de son tres dous viaire	a	10'
4	fait doucement mes doulz maus adoucir	b	10
5	son cuer joieus fait le mien esjoir	b	10
6	Mais se un petit tient mon cuer en effroy	c	10
7	que sur tout l’aim et pou souvent la voy	c	10


8	Riens n’est qu’elle me peust dire ou faire	a	10'
9	qui me fut dur n’enuieus a souffrir	b	10
10	car son gent corps est de si bon afaire	a	10'
11	et si parfait qui n’en puet riens issir	b	10
12	que je ne preingne en saveur de joir	b	10
13	or mon soi euil pris et mis en tel ploy	c	10
14	que sur tout l’aim et po souvent la voy	c	10


15	Mais doulz espoirs maint en moy et repaire	a	10'
16	qui ne s’en puet a nulle heure partir	b	10
17	ains me conforte et joit et esclaire	a	10'
18	par doulz penser et plaisent souvenir	b	10
19	Et se Diex veult que la voie a loisir	b	10
20	je li diray et jurray par ma foy	c	10
21	que sur tout l’aim et po souvent la voy	c	10