Je chante ung chant

An Archive of Late-Medieval French Lyrics

Other views:

TEI Header Information

S’Amours eüst point de poer
Music: Motet : Triplum  of  S'Amours eüst point de poer / Au renouveler du joli tans / Ecce [iam]

aka: Mo 253 (Rokseth)

Petrus de Cruce
set to music by: Petrus de Cruce

Witnesses:

Mont f. 270r-273r
Tu42 no. 21 (from Tischler)  


Remarks:

None available.

Text based upon Mont

1 S’Amours eüst point de poer
2 je m’en deüsse bien apercevoir,
3 qui l’ai servie tout mon vivant
4 de cuer loiaument;
5 mes je croi k’aidier
6 ne poet a nului ne valoir.
7 Pour moi le puis je bien prouver
8 et savoir vraiement;
9 en son service m’a fait lonc tans
10 doloir et vivre en si grief tourment,
11 que je ne sai mie comment nus amant
12 puist vivre en gregneur; et si l’ai soufert boinement,
13 car par bien soufrir
14 cuidai joïr.
15 Pour ce ai enduré si longuement
16 mes or voi bien que ne mi vaut noient;
17 qu’en puis je donc, se d’amer me repent?
18 Quant Amours de mon service tel guerredon me rent,
19 que plus ai amé
20 et desirré,
21 plus l’ai comparé chierement.
22 Si m’acort bien, a ce k’en dit sovent, ms bounement ( Tischler em. )  
23 que li hons, qui mauvais seigneur sert,
24 mauvais loier atent.
25 Ne set, qui fait, qui a amer enprent,
26 car nus ne porroit penser,
27 si veut amer sanz guiler,
28 l’ennui, qui li apent.
29 Ne je ne dout mie
30 que ja ait amie
31 cil, qui en bien amer entent:
32 que plus est vrais amis,
33 tant li fera on pis;
34 ja pour prier merci
35 n’avra alegement.
36 Assez p puet on dolouser,
37 plaindre et plourer et souspirer;
38 il n’iert ja autrement
39 car de s’amour douner
40 a houme qui l’aint n’a fame nul talent,
41 mes a celui qui point ne la desert
42 l’otroie a la fois tout entierement.
© 2007-2012 University of Exeter - Centre for Medieval Studies