Other views:
TEI Header Information
J’ai mis toute ma pensee
Music:
Motet
: Triplum
of J'ai mis toute ma pensee / Je n'en puis mais / Puerorum [caterva] iubilando
aka: Mo 255 (Rokseth)
Anon.
set to music by: Anon.
Text based upon Mont
1 | J’ai mis toute ma pensee lonc tans | |||
2 | en Amour loiaument servir; | |||
3 | encore vuel je bien obeir | |||
4 | a son commant, ne pour quant | |||
5 | je n’en puis joïr. | |||
6 | Tant me fait de mal soufrir | |||
7 | cele que j’aim, que je ne sai, | |||
8 | quepuisse devenir; | |||
9 | trambler et fremir me fait | |||
10 | et la coulour palir. | |||
11 | Souvent plour et souspir | |||
12 | et si ne me puis de li | |||
13 | amer repentir. | |||
14 | Las, tant la desir, que bien sai, | ms croi ( Tischler em. ) | ||
15 | k’en la fin pour s’amour | |||
16 | me convendra morir | |||
17 | s’aucun comfort n’ai de li; | |||
18 | car trop cruelment | |||
19 | m’a fait lonc tans languir. | |||
20 | Hé! dame au cler vis, | |||
21 | secocourés moi vo loial ami, | |||
22 | s’il vous vient a plaisir, | |||
23 | car du mal que je sent | |||
24 | et ai senti | |||
25 | nus fors vous ne m’en puet garir. | |||
26 | Si vous pri merci, | |||
27 | car un seul biau samblant, | |||
28 | se de vous le veoie venir, | |||
29 | m’aroit comforté | |||
30 | et espoir douné | |||
31 | de joie recouvrer, | |||
32 | ou je criem fallir. | |||
33 | Car se pitiés | |||
34 | ou amours n’en veut pour moi ouvrer, | |||
35 | je n’i puis avenir. | ms avemir ( Tischler em. ) | ||