Je chante ung chant

An Archive of Late-Medieval French Lyrics

Other views:

TEI Header Information

Bien me doi sor toutes riens
Music: Motet : Triplum  of  Bien me doi sor toutes riens / Je n'ai, que que nus en die / Kyrie fons

aka: Mo 262 (Rokseth)

Anon.
set to music by: Anon.

Witnesses:

Mont f. 286r-288r
Tu42 no. 5 (from Tischler)  


Remarks:

None available.

Text based upon Mont

1 Bien me doi sor toutes riens d’Amour loer
2 quant en si haut lieu m’a fait mon cuer douner
3 dont je le doi a tous jours mercier
4 con fins amans; car onques ne me peut grever
5 nus maus, ce m’est avis,
6 k’Amours me feïst ms avoir ( Tischler em. )  
7 sentir pour la bele au vis cler.
8 Douz Diex, je l’aim tant que ne puis oublier
9 sa tres grant biauté,
10 qui nuit et jour me fait
11 a li penser et souvent souspirer,
12 et sa grant valour, son sens et sa bonté,
13 k’on doit bien recorder,
14 k’on ne porroit mie trouver
15 plus vaillant de celi,
16 ki si m’a saisi.
17 Aymi, Diex, aymi!
18 Ne me porroie plus tenir, que je n’i
19 alasse tout maintenant parler a li;
20 mes je la criem si
21 que mon penser ne li ose descouvrir,
22 car trop m’aroit maubailli
23 s’a s’amour avoie falli. Tischler add.
24 Et pour ce en chantant li pri
25 k’ele me voelle retenir a ami;
26 kar ausi m’en doinst Diex joïr
27 comme je l’ai loiaument en boine foi servi.
© 2007-2012 University of Exeter - Centre for Medieval Studies