Other views:

Se je chante, ce fait Amour

Music: Motet : Triplum of Se je chante, ce fait Amour / Bien doi amer mon ami / Et sperabit

aka: Mo 311 (Rokseth)

Anon.

set to music by: Anon.

Witnesses:

Remarks:

None available.

Text based upon Mont

1	Se je chante, ce fait Amour,
2	qui mon cuer esclaire nuit et jour
3	d’un penser tout plain de douchour
4	vers ma dame debonaire
5	qui par droit est examplaire
6	et de toutes la flour
7	de bonté, biauté et valour.
8	Bien le desclaire,
9	son dous gracieus viaire
10	par maint tour
11	si me doit mout plaire
12	sans retraire,
13	que s’amor si me va entour.
14	J’en oublie toute doulour
15	et m’en paine miex de bien faire
16	car de servir dame de tel afaire
17	vient hounour.
18	Quant on le sert bien sanz folour,
19	on en atent dous salaire;
20	et s’en est toute la vie meillour.
21	Or veulle Amour que sans mesfaire
22	puisse maintenir ce dous labour
23	sans nule pensee d’aillours,
24	car riens ne m’est contraire
25	en ma dame, en cui tous biens s’aaire
26	et toute hounour
27	par grant savour;
28	ne de sa fresce colour
29	je ne puis estraire
30	fors samblant d’atraire:
31	ce tient mon cuer en ardour.