Je chante ung chant

An Archive of Late-Medieval French Lyrics

Other views:

TEI Header Information

Le sault perilleux
Text: ballade Music: ballade
Anon.
set to music by: Johannes Galiot

Witnesses:

Ch f. 37r


Remarks:

None available.

Text based upon Ch

1 Le sault perilleux a l’aventure prins a
2 quant faillit mon cuer en la clere fontainne b
3 ou maint amoureux a estre entre perist a
4 par les ruisselés qui la font leur demainne. b
5 Gardee est moult estroit d’une chastellainne b
6 en un plaisant vergier qui la tient en sa guarde: c
7 nulz n’en puet aprocher sanz cuer point d’une darde. c
8 Quant ainsi me vi en ce tres doulx pourpris, a
9 au cuer me senti feru par mi la vaine b
10 d’un plaisant soubrire aus rosiers reprins, a ms soubzre ( Apel em. )  
11 dont avis me fu que vis la belle Elainne, b
12 qui tant m’arousa de sa tres doulce alaine b
13 qu’elle me fist entrer en amoureuse garde. c
14 Nulz n’en puet [aprocher sanz cuer point d’une darde]. c
15 Et se en amours n’eusse esté ben aprins, a ms E ce ( Apel em. )  
16 n’en fuesse parti pour creature humaine b
17 que n’eusse gouté de la fontaine et prins a ms e ( Apel em. )  
18 a l’aventure sans doubter souffrir paine; b
19 si jepuis dire pour verité certaine b Apel add.
20 que je fus deceü quant a moy bien regarde. c
21 Nulz n’en puet [aprocher sanz cuer point d’une darde]. c
© 2007-2012 University of Exeter - Centre for Medieval Studies