Witnesses:

Remarks:

None available.

Text based upon ModA

1	Se je me plaing de fortune, j’ay droit,	a
2	car par li sui griefment enfortunee.	b
3	Quant j’ay perdu celui que tant m’amoit,	a
4	ce fuit pour moy moult dure destinee.	b
5	Or sui je bien de petite heure nee	b
6	car je ne treuve amisté ne douchour;	c
7	je ne me vueil plus fier en amour.	c


8	A tous jours mais le mort mauldite soit	a
9	car je sui trop par li desconfortee,	b
10	et d’autre part mon povre cuer quidoit	a
11	que je deüsse estre reconfortee	b
12	par un autre, mes mal suy asenee.	b
13	Je ne treuve que tristesse et dolour;	c
14	je ne me vueil plus fier en amour.	c


15	Mort et amour m’ont mise en povre ploit;	a
16	je ne scay lequel m’a plus conturbee.	b
17	Je croy que Dieux ce mari me devoit	a
18	pour moy pugnir que ne soye dannee.	b
19	Ma penitanse ara longue duree,	b
20	Amours, tu m’as bien joué d’un faulx tour:	c
21	je ne me vueil plus fier en amour.	c