Je chante ung chant

An Archive of Late-Medieval French Lyrics

Other views:

TEI Header Information

Il n’est nulz homs
Text: ballade Music: ballade
Anon.
set to music by: Philipoctus de Caserta

Witnesses:

Ch f. 38v


Remarks:

None available.

Text based upon Ch

1 Il n’est nulz homs en ce monde vivant, a
2 ce m’est avis, qui peust considerer b
3 tant soit subtilz ne pris apercevant a
4 la grant dolour qu’il me faut endurer. b ms qui ( Apel em. )  
5 Si ne sçay, las, commant tel faiz porter b
6 puis sanz confort ne nul esbatement, a
7 mails doulz espoirs me donne alegement. a
8 Arriere vois quant cuide aler avant, a
9 trouver ne puis port ou puisse passer, b
10 tant fort me va nuit et jorn guerriant a
11 Fortune qui maint homme fait tumber b Apel add.
12 de haut en bas, sanz sa roe cesser. b ms cesser fait ( Apel em. )  
13 Dont je me voy triste, chetif et lent; a Apel add.
14 mais doulz espoirs me donne alegement. a
15 S’espoir n’estoit qui me va confortant, a
16 tost me faudroit de ce monde finer, b
17 pour quoy je pri le roy an tout puissant a
18 que tost me vueille a joie remener b
19 ens ou païs qui tant fait alouer, b
20 car certes mes cuers vit a grant comant; a
21 mais doulz espoirs me donne alegement. a
© 2007-2012 University of Exeter - Centre for Medieval Studies